عيدي يالمملكة

القصايد مـا تـجـي بالكـيـف والـشـاعـر تغنّا
 شاعر ٍ يعسف خيول الشعر ويهلّ القصيدة
 دام عـيــد المسلمين ودام عـزّك يــا وطـنّا
 عـيّــدي يــا المملكة بالخير وأيامك سعيده
 عـيّـدي يــا دارنـا والشعب في حضنك تهنّا
 تـحـت ظـل الـقايد اللي سيرته دايم فريده
 عــاد عـيــدك يــا مـلـكـنــا يــا معلمنا وحنّـا
 لك جـنـودٍ نـرخـص الأرواح ونـرد الـمـكـيده
 يـوم حـب المملـكـة في قلوبنا حلّ وشحنّا
 كـلـنـا فـدوة تـراب المملـكـة يـوم الشديده
 عـاد عـيـدك يا حمد والشعر في مثلك يغنّا
 المـلـيـك اللـي كـساه الله بأخلاق ٍ حميده
 الـكـرم والـطـيـب فـي يمناه عنها مـا تـونـّا
 والمراجـل كـلّـهـا تـسـري مـع الدم بوريده
 فـاتـح ٍ قـلـبـه لـشـعـبـه مـا يـرد اللـي تعنّا
 ان ضـحـك لك نور وجهه يجلي الهم ويبيده
 حـاكـم ٍ يـحـكـم بـشـرع الله وحكمه ويتمنّا
 يـصـبـح العالم سلام ويفرح العالم إب عيده
 وعـيـدي يـا دارنا والشعب في حضنك تهنّا
 وعـيـدي يـا المملكة بالخير وأيامك سعيده
 مـن قصـايد شـاعر ٍ لاجـلك بيـوم العـيد غنّا
 شاعر ٍ يعسف خيول الشعر ويهّل القصيدة