يالفارس الوايلي يافخر الأجيالي

يـقـول نـاصـر عـريـب الـجـد والـخـالي        ولـشـعـار تـزهى وتفخر بسم شاعرها

وانـا بيوتـي تـجــي عـسرات وجزالي        لا قـلـتـهـا مــن فـخــر هــزت منـابـرها

خصوص لا جات في غالي وابن غالي        ينبض بـهـا القلب. ولـسـانـي يـعـبـرها

مـن فرحتي قمت اجر الصوت بلحالي        وابيات شعري تسـامـرنـي وسـامـرها

وشلون ما فرح واطوع صعب الامثالي        فاللـي عـلــوم الـوفـا والـعـز ســايـرها

خالد ومن غير خالد لا حتمـى الصـالي        اللـي يـمـثــل اصـغـار الـقـوم واكبـرها

وقفـت ابـارك واهـنـي ذرب الافـعـالي        ونفسي تسابق من الفرحه مشاعرها

مـبـروك مـليون مـره وانـت فـي بـالي        ياللي عيونـي عـلـى شـانـك مسهرها

يـابـن الملـيـك العظيم الحـاكـم الوالي        مـلـيــون مــرة مــا تـكـفي لــو أكررها

آكـتـب قـصـيـدي فـخر ويطيب مـوالي        وأطرب على شوفتك والناس أفـاخرها

والمـمـلـكـة تفتخر بـانـجـازك الـحـالي        وتـقــول كـمـلـت مـاضـيـهـا بـحـاضرها

سـقـت الـفـرح للبلد يـا طـيـب الـفالي        بأفعالك اللـي مـحـد غـيــرك بـيـقـدرها

من طيب ساسك عيونك دوم للـعـالي        كـلـك طـمـوحـات مـا نـقــدر نـفسـرها

لك هيبة" في اللقا يـا نسل الأبـطـالي        ولـك نـظـرة" كــل عـدوانـك تـصــورها

يـا الـفـارس الوايلي يـا فخر الأجـيـالي        فـيـك الـعــزايـم كـأن الله مـسـخــرها

الله يـحـفـظـك لـنـا مـن شـر الأهوالي        ويـعــز دارك ويــحـمـيـهــا ويـنـصــرها

كـتـبـت لك مـن هـجـوسـي مـاتهيالي        ولا الـغــلا والـمـحـبــه انــت خــابــرها

كـتـبـتـهــا لك ودمــع الـعـيـن يـبـرالي        مـن فـرحـتي صـارت دموعي محابرها

هـذي نـهـايـة كـلامـي واخـر اجـزالي        وصـح الله الـسـان سـامعهـا وشاعرها

-------

 لأجلك ولأجل أرضاك سقت العزايم

قـال الـذي عـن هزل الاشعار شايم        عـنـده لـجـزلات الـمـعــانـي مـفــاتـيــح

شاعر ولا اخشى فالشعر لـوم لايم        والـعــب بـشـعـري مـثل لعب المسابيح

اقـلـط عـلـى الـجـزلات مثل الولايم        عــلــى فــقــار الـحــيــل ولا الـمـفاطيح

واسكر على الفزعه وحذف العمايم        وافــرح بـشــوف اهــل الوجيه المفـاليح

وان عـودت مـا بـيـن قـاعـد وقــايـم        مـن عــادتـي لا نيب لا اقـعــد ولا اطـيـح

يـا بـوي والله مـا عـرفـت الـهـزايــم        مــا دام نــورك فــي دروبـي مـصــابـيـح

لجلك ولأجل ارضاك سقت العزايــم        امشي سوات السيل واعصف كما الريح

والـي تـكـلــم عــاذلـي بـالنـمـايــم        والله لا زيـحــه عــن طــريـقـي ولا ازيـح

والله مــا يــقــدر عــلــي الـلــزايـم         ولا يــحــصــل مـــن وراي الـمــرابــيــح

وكـانـه يـحـسـب الجـو كـاتم وغايم        تــرا الـمـطـر عـقـب الـسـحـاب الـمراويح

حـنــا لـهــا لا حــام فـالـجــو حـايـم        نــارد عـلــى حـيــاض الـمـنـايـا مشافيح

حـنــا رجـالك فـي نـهـار الـعـظـايـم        ازحـــول ومــطــنــخ وروس وزحـــازيــح

الــى ركـبـنـا مـعـلـقـات الشـكـايـم        نـــذود دون الــــدار والـفــطـــر الـفــيــح

يـا سـيـدي جـبـنــا لـك اكـبـر غنايم        والـنـصــر واضــح مــا يـبــي أي تـوضيح

عـلـى الـنـقـا مـافـيـه بـايـع وسايم        ومــا ظـنـتــي للـصــح يـحـتـاج تصـحـيح

هذا كـلام الـصـدق والـصـدق دايـم        وقــبــل انـتـهـي ودي اصــرح بـتـصـريـح

دامـك مـعـي هـايـم وانا فيك هايم        والله لا اقــول لـســايــر الـنـاس فقريــح
       -------