قصيدة رثاء في المغفورله بإذن الله تعالى الشيخ زايد بن سلطان آل نهيان طيب الله ثراه

يــالله يــا رب الــســمــــا والأقـــدار يــا اللـي بحكمك كـل شي ٍ لنا صار جـانــا خـبـر غـطـا عـلى كل الأخبار كــل ٍ فـقــد نــوره مـن صغـار وكبار  مــع زايــد الأيــام فـرحـات واعمـار   الــدار تـبـكـي يــا عـرب حـاكم الدار شعبه بكـاه وتبكي الشيخ الأشعار  خيره وصـل للناس في كل الاقطار  معروف في شوره إذا جات الأشوار مــا حـط بين الشعب وعيونه أسوار تـاريـخـه أبـيـض مـابـهـا شك وانكار يالله تـرفــع مـنـزلــه بـيـن الأخـيـار  يــا اللي بـحـكمك كل شي ٍ لنا صار

يـا عـالـم ٍ بالغيب شـرَه وخيـره  يـا اللي بعلمك كل شي ٍ تديره  راح الـزعـيــم بـليلـة ٍ مستذيره مصيبة ٍ مـا هـي عـلـينـا يسيره وكـن الليالـي بـعـد زايـد عسيره والـنـاس تـرثـي زايـد بـكـل ديره شيخ ٍ بنا في عالم المجد سيره سـفـارتـه طـيـبه وفعله سفيره قـايـد حـكـيـم وفذ راعي بصيره شعب ٍ عشق زايد ولا حب غيره مـسيـرة ٍ يـاطيبها مـن مـسيـرة وتـطـهـره يـا رب وانـك تــجـيـره يــا عـالـم ٍ بـالغيـب شرّه وخيره