يالـلي عـلى البال تطري وانت ماتدري...        وش ذنـبـه اللـي يـحبـك وانـت خـليته...

وش ذنـب قـلب رسم لك حبه العذري...         وش ذنـب دمـع عـلـى طـاريـك هـليته...

لـو كـان عـمري بيديني فدوتك عمري...         لـكـن عـمـري بـيـديـن اللـي تـرجـيـته...

انـه يـرد الـزمـان اللـي عـلـى خـبـري...       وأعـيـش لـيـلـك وحـلـم ٍ كـم تـمـنـيته...

يوم ان قلبك بصدري وانت في صدري...         ضـيـفٍ سكـن بالحشا وأثر الحشا بيته...

الايـام تـجـري وعـمـري بالشقا يجري...         حتى الشقا مـنـك رافـقـتـه وحـبـيـتـه...

اصبـر عـلـى حـالـتـي ويملني صبري ...        واعـيـش فـي لـوعـتـي واقـول ياليته...

والليل فـي نـاظري يا صاحبي يسري...        والشـعـر لـجـل الهـوى جـبـته وغنيته...

واذا تـكـلـم عـذولـي قـلـت لـه عـذري...        ان الـهـوى يـذبح الـعـاشـق وانـا جيته...

ولا انـت مـا تـدري انـك كـل مـا تـطري...        يـصـيـح بـيـن الـحـنـايـا شـي خـلـيـته...