 شيخة الجود
شيخة الجود
قصيدة باسم
سيدي الوالد حضرة صاحب الجلالة الملك المفدى
حفظه الله ورعاه
وباسمي وباسم شعب البحرين الوفي
في رثاء المغفور لها بإذن الله تعالى
صاحبة السمو الشيخة حصه بنت سلمان آل خليفة
طيب الله ثراها
 
للحزن في صدري مداهيل وحــدود
يسكــن معاليقي ويجري بدمـــي
مـن بيني وبينه مواثيق وعهـــود
فــي شاربي في لحيتي في معمــي
يــزود وانا ازود وابغى له الـزود
واقــدره تقدير خالــي وعمــي
حزين ودموعي على حزني شهــود
غرقــت منديلي وغرقــت كمـي
وماهوب عيب ابكي على شيخة الجود
العيــب لو ابكي على كثر همــي
يا وجـد حالي كان في وجـدنا فـود
ويا عزي إلحالي وهمـي وغمـــي
وش صابني يوم ان لفى العلم مـردود
ما غيــر اتمتم واذكر الله واسمــي
راحـت وطاريها بالاذكار موجــود
ما مثلهــا في لابســات المزمـي
تستقبـل حشود وتودع لها حشـــود
كنهـا تقول اردوا على جال جمــي
مـا يكفي انها للعطا كف ممـــدود
ومــا يكفي انها للمواهب تنمـــي
عسى السحاب اللي له بروق ورعـود
يسقـي ثراهـا لين بالمــا يزمــي
والله منساهـا لــو العمـر معــدود
دايم وهي عندي قريبــه ويمـــي
تدرون وش في خاطري ؟ ( ليتها تعود )
وتامــر علي واقول حاضر وسمـي
وتشــارك بحفلة زفافي مع العـــود
ونفـرح وفرحتنا علينــا تتمـــي
لكــن هذا حكم من تجـري النــود
بأمـــره وهو بأمره علينا يعمــي
وانا لــو ابكي لين افيض لي اعـدود
ما همنــي لا زاد مدحي وذمـــي
لأنـــي ابكــي على شيخة الجـود
ولأنها هي ثالث ابــوي وأمـــي
ناصر بن حمد آل خليفة
|
3 
