يا طير ياللي تطير وتبعـــــد الحومـــــه    ياللي معي الجو لك هومـــه وتفريعـه

إكفخ وحلق سما والهومــه الهومــــــه    وإرحل بتوديعــــه وعـــــــود بتوديعـــه

أبغي كتابي يروح دبي مـــن يومـــــــه    وإن جاك رد الكتاب إسرع بترجيعــــــه

مادام الأشواق مشدودة ومضمومــــه     فالشعر فدبـــــــي زان وزان توزيعـــه

سلام ياديـــــــرةٍ بالعـــــــز موسومـــه     إللي لها فالحشا جلسه وتربيعــــــــه

إللي عليها شعار العــــز وختومــــــــه     حتى خذت منبت الطيب ومنابيعــــــه

آل مكتوم ساس الطيب وسلومــــــــه     كسابة الطيب فــــي أصله وتفريعــه

جوها وهي ديرةٍ صحرا ومعدومــــــــه     ثم حكموها بحكـــــــم الله وتشريعــه

لين أصبحت فالسما وتعانق نجومــــه     وأخضر ثراها وعاشوا في مرابيعـــــه

وسلام للي يشيل الحمل بعزومـــــــه    سلام مثل الذهب لونــــــه وترصيعــه

يالقايد إللي حويت الشعب وحلومــــه    لين صافح يمينـــــــــك وأعلن البيعــه

دامه يشوفك طموح دبي مالومــــــــه    مادام قلبك بحـــب دبــــــي تجميعـــه

ياللي تداري على شعبك من همومه    وتحرص على الشعب وتبدّي منافيعه

لك سيرةٍ بالوفــــا والعـــــز مرسومــه    يشهد لها الوقت بيامـــه وأسابيعـــــه

أنت الذي فيك سر المجــد وعلومـــــه    وأنت الذي تبهر العالـــــــم مشاريعــه

وأنت الذي يفخــر الميـــــدان بقدومـه    وأنت الذي يشهد الفرسان تشجيعــه

وأنت الذي يرهب العدوان بسهومــــه    وأنت الذي كل صعب تحب تطويعـــــه

وأنت الذي قومتك ما مثلهـــا قومـــــه    وأنت الذي يذهل العقل بمواضيعـــــه

أبيات شعري على طاريك معزومـــــه    والمدح ياتيــــك بشكالــــــه وتنويعـــه

وكم واحد يلمّعه لعــــــــــلام ويرومــه    ومافـــاد لعــــلام تلميعه وترفيعـــــــه

إلى محمد زعيم المجد فــــي قومـــه    أفعاله الخالده هـــي ســـــر تلميعـــه

ودي أسرب خبر وأقــــول معلومــــــه    وإللي يذيع الخبر لا قلتــــــه يذيعـــــه

شخصية العصر ما هي مِنْه مَحْرومه    محروم عصرٍ مضى ماشـاف توقيعه...