يادبي جيتـــــــــــــــــك بعـد وبعد مــــده     وأنا قصيدي بحب دبي موعــــــــــودي

إللي علاها يتــــــــل القلـــــــب ويحـــده     أكبر ويكبر معي وأزود ويـــــــــــــزودي

فيها أكتب الشعـــر وأغنيــــــه وأعــــــده     وأجود في مدحها والجــــود من جودي

شاعر وأعرف البحــــر مــــن جزره لمـده     وأصدق بقولي ولانـــي بخلف أوعودي

ما هـــــوب أنا اللـــي يصد ويعلن الصده     أنا لها كل ماجـــــا العلـــــم مـــــردودي

سلام لأهل البلد مــــــن حــــــده لحــده      يخالطه ريح مسك وريح كمبـــــــــودي

أغلفـــه بالوفـــــا والصــــدق وآمــــــــده      ما دام لحن الوفا والصدق ممـــــدودي

من ديــــرتي جيــــت والأشواق ممتــده      للديره إللي غلاها بيّح ســـــــــــدودي

كنهــــا هنـــــــوفٍ تفــــل الراس وتكــده      ومن شفتها لحين أول يوم مولـــــودي

يادبي وغنتي فتاة اللين والشـــــــــــدة      يا كيف أوُصفْك ياريانـــــــة العـــــــودي

ما كنــــــــك إلا حبيــــــبٍ فايــــــــقٍ وده     يرسم ملامح غلاي ويرسم حــــــدودي

إللي تشوف البروق تلـــــــوح في خـده      كنّه يقول البروق تغازل خـــــــــــدودي

والعين عين أشقرٍ في حزة الهــــــــــده      فديت ذيك العيون الذبَّل الســـــــــودي

يا دبي دام المشاعر فيــــك مشتــــــده      باحاول أعطيك وأوضح لك بنـــــــــودي

شفتي أهل جده إللي تموت في جده؟     وكيف السعودي يفاخر إنّه سعــــودي؟

فأنتي وحمدان من قـــدك ومـــــن قـده      تفاخري كل ما ذعذع لك النـــــــــــودي

ويحق له يفتخر من جــــــده لجـــده لنّه     سنافي وشيخ وشامخ جــــــــــــدودي

وأنا بعد بفتخـــــــر لا عِــــــدَّة العِـــــــدَّه      ما دام قدري سما وأفعالـــي شهـودي

ومهما عن دبي غبـــــــت وطالت المده       يبقى قصيدي بحب دبـــي موعــــودي

هذا كلام الصحيــــح إن جيـــــــت باعده      وعساي أوصل لكم قصدي ومقصودي